கண்ணதாசனிடம் வாங்கிகட்டிய கருணாநிதி

தமிழ் அகராதி,வாழும் வள்ளுவர்,ஐந்தமிழ் அறிஞர் ,வாழும் கம்பன்,உலகத்தமிழ் மாநாட்டு நாயகன்,முத்தமிழ் வித்தகர் முத்தமிழ் காவலர், அண்ணாவின் வாரிசே ,பெரியாரின் சீடரே இப்படியெல்லாம் கலைஞரை கட்சிகாரர்களும்,இன்றைய கவிஞர்களும் புகழ்ந்துதான் பார்த்திருப்பீர்கள்.அதுவும் திரையுலகத்தை சார்ந்தவர் என்றால் சொல்லவே வேண்டாம். ஆறுமுறை தேசிய விருது வாங்கியவராக இருந்தாலும் சரி,60 ஆண்டுகாலமாக பாட்டு எழுதுபவராக இருந்தாலும் இதே நிலைதான்.

 அது உலகத் தமிழ் மாநாடாக இருந்தாலும் சரி ,கவியரங்கமாக இருந்தாலும் இதே நிலைதான்.எடுத்துக் கொண்ட தலைப்பு எதுவாக இருந்தாலும் முகதுதி பாடிவிட்டுத்தான் வேறுவேலை. அன்று அரசனை புகழ்ந்து பாடி பரிசு பெற்று சென்றனர் சங்ககால புலவர்கள்.இந்த கால கவிஞர்கள் அதை குலத் தொழிலாக கொண்டு ஆட்சியில் உள்ளவர்களை புகழ்ந்து பாடி காரியத்தை சாதித்துக்கொள்கிறார்கள்.


நம் கவினரோ அதில் மிகவும் வித்தியசமானவர்.

முப்பது ஆண்டுகளுக்கு முன்னால் கருணாநிதி கண்ணதாசனை பார்த்து "நீயெல்லாம் ஒரு கவிஞனா"? என்று கேட்டார்.6000 பாடல்களையும் ,5000 கவிதைகளையும் ,232 புத்தகங்களை எழுதியவரை பார்த்து இப்படி கேட்டார்.

கண்ணதாசனை பற்றி ஒரு வரியில் குறிப்பிட வேண்டும் என்றால் "போதையிலும் கவிபாடும் மேதை அவன்"

வட்டிக் கணக்கே வாழ்வென்று வைத்திருந்த செட்டி குலத்தில் தோன்றினாலும்,போதையிலும் கவிபாடும் மேதை அவன்.கருணாநிதி அப்படி கேட்டதன் விளைவு இந்த கவிதை. ஆயிரம் கவிஞர்கள் பாடிய துதி பாடல்கள் யாருக்கும் நினைவிருக்காது ஆனால் இந்தப் பாடல் எந்த காலத்திலும் 

நினைவிருக்கும் இந்த கவிதை.

அஞ்சாதா சிங்கமென்றும்
அன்றெடுத்த தங்கமென்றும்
பிஞ்சான நெஞ்சினர் முன்
பேதையர்முன் ஏழையர் முன்
நெஞ்சாரப் பொய்யுரைத்து

 தன்சாதி
 தன்குடும்பம்
 தான்வாழ தனியிடத்து
 பஞ்சாங்கம் பார்த்திருக்கும்
 பண்புடையான் கவிஞனெனில்
 நானோ கவிஞனில்லை
 என்பாட்டும் கவிதையல்ல.

 பகுத்தறிவை ஊர்க்குரைத்து
 பணத்தறிவை தனக்குவைத்து
 தொகுத்துரைத்த பொய்களுக்கும்
 சோடனைகள் செய்து வைத்து
 நகந்து நுனி உண்மையின்றி
 நாள்முழுதும் வேடமிட்டு
 மடத்தில் உள்ள சாமிபோல்
 மாமாய கதையுரைத்து

 வகுத்துணரும் வழியறியா
 மானிடத்து தலைவரென்று
 பிழைத்திருக்கும் ஆண்மையில்லா
 பேதையனே கவிஞனெனில்
 நானோ கவிஞனில்லை
 என்பாட்டும் கவிதையல்ல..

மீண்டும் இன்னொரு பதிவில் சந்திப்போம்.

மேலும் படிக்க »

தெரிந்த பாடல் தெரியாத தகவல்கள்

இந்தப் பதிவில் MGR ம் கண்ணதாசனும் இணைந்து பணியாற்றிய இரண்டு சுவையான பாடல்களை பார்ப்போம்.கண்ணதாசனும் MGR ம் மிகச்சிறந்த நண்பர்கள்.இருவரும் ஒரே கட்சியில் பணியாற்றியவர்கள்.1972 ம் ஆண்டு பொது இடங்களில் குடிப்பதற்கான தடை நீக்கப்பட்டிருந்தது அதனால் ஆண்கள் குடிபோதையில் அடிமையாகி குடும்பங்களை மறந்து திரிகிறார்கள் என்று நிறைய பெண்கள் MGR இடம் முறையிட்டனர்.MGR அந்த காலத்தில் தன் படங்களில் சமூக பிரச்சனையை தீர்ப்பது போன்ற காட்சியில் அதிகம் நடிப்பார்.

தன் அரசியல் பிரவேசத்திற்கு சினிமாவை ஒரு மிகச் சிறந்த கருவியாக MGR பயன்படுத்தினார்.MGR குடிப்பழக்கத்திற்கு எதிரான தன் கருத்தை படத்தில் பாடலாக வைக்க வேண்டும் என நினைத்தார்.இந்த பாடலை நம் கவிஞரை விட யாராலும் எழுத முடியாது என்று நினைத்து அவரிடம் இந்த பாடலை எழுத சொன்னார்.நம் கவிஞரோ எப்போதும் போதையில் இருப்பவர் அதனால் தான் எப்படி இந்த பாடலை எழுத முடியும் என யோசித்தார்.இருந்தாலும் MGR ன் அன்புக் கட்டளையும் தட்ட முடியவில்லை.

அந்த சூழ்நிலையில் அவர் எழுதிய பாடல்தான் "சிலர் குடிப்பவர் போலே நடிப்பார் சிலர் நடிப்பவர் போலே குடிப்பார்" எனத் தொடங்கும் பாடல். இந்தப் பாடலில் குடியால் ஏற்படுகின்ற தீமையும் சொல்லியிறுப்பார் அதே சமயம் குடியால் ஏற்படுகின்ற அனுபவத்தையும் மறைமுகமாக சொல்லியிறுப்பார்.

படம் : சங்கே முழங்கு  
இசை : MSV  
பாடியவர் : TMS  

சிலர் குடிப்பதுபோலே நடிப்பார் சிலர் நடிப்பதுபோலே குடிப்பார்
சிலர் பாட்டில் மயங்குவார் சிலர் பாட்டலில் மயங்குவார்
மதுவுக்கு ஏது ரகசியம் அந்த மயக்கத்தில் எல்லாம் அவசரம்
மதுவில் விழுந்த வார்த்தையை மறுநாள் கேட்பது அவசியம்

நானமில்லை வெட்கமில்லை போதையேறும்போது
நல்லவனும் தீயவனே கோப்பையேந்தும்போது
புகழிலும் போதையில்லையே பிள்ளை மழழையில் போதையில்லையே
காதலில் போதையில்லையே நெஞ்சில் கருணையில் போதையில்லையே

மனம்,மதி,அறம்,நெறி தரும் சுகம் மதுதருமோ
நீ நினைக்கும் போதைவரும் நன்மைசெய்துபாரு
நிம்மதியை தேடி நின்றால் உண்மை சொல்லிப்பாரு

கவிஞரை பொறுத்தவரை குடிப்பது என்பது தனி மனித ஒழுக்கம் சார்ந்த பிரச்சனை அது எந்த விதத்திலும் சமுதாயத்தை பாதிக்காது என்பது அவரது கருத்து. எல்லாவற்றிலும் ஒரு போதையுண்டு. பணம் பொருள்,புகழ் போன்றவையும் ஒரு வகையான போதையே அதனால் குடிபோதை பெரிய தவறல்ல என்பது அவரது கருத்து.

MGR அவர்கள் கடவுள் நம்பிக்கை கொண்டவர்.1963ல் அவர் திமுக வில் தீவிரமாக பணியாற்றி கொண்டிருந்தார்.திமுக என்பது கடவுள் நம்பிக்கையில்லாத கடவுளுக்கு எதிரான ஒரு கட்சியாக வடிவெடுத்திருந்த சமயம் அது.அப்போது MGR ன் வளர்ச்சியை பிடிக்காதவர்கள் அவர் கட்சியின் கொள்கையை மீறுகிறார் என்று குற்றம் சாட்டி அவரை கட்சியின் தலைமையில் சொல்லி கட்சியை விட்டு அகற்ற பார்த்தனர்.

அந்த இக்கட்டான சூழ்நிலையில் மற்றவர்களுக்கு பாடம் புகுத்துவது போன்ற ஒரு பாடல் எழுதுமாறு கண்ணதாசனிடம் கேட்டார்.சூழ்நிலைக்கு பாட்டு எழுதுவது என்பது நம் கவிஞருக்கு கைவந்த கலை.அப்படி அவர் எழுதிய பாடல்தான் "என்னதான் நடக்கும் நடக்கட்டுமே" என்று தொடங்கும் பாடல்.

இயக்குனர் : சங்கர்  
இசை: விஸ்வநாதன் ,ராமமூர்த்தி  
படம் : பணத்தோட்டம் (1963)  

என்னதான் நடக்கும் நடக்கட்டுமே
இருட்டில் நீதி மறையட்டுமே
தன்னாலே வெளிப்படும் மயங்காதே
ஒரு தலைவனிருக்கிறான் மயங்காதே

பின்னாலே தெரிவது அரிச்சுவடு
முன்னாலே இருப்பது அவன்வீடு
நடுவினிலே நீ விளையாடு
நல்லதை நினைத்தே போராடு

உலகத்தில் திருடர்கள் சரிபாதி
ஊமைகள் குருடர்கள் அதில்பாதி
கழகத்தில் பிறப்பதுதான் மீதி
மனம் கலங்காதே மதிமயங்காதே

இந்தப்பாடலில் தனக்கு எதிராக என்னதான் நடந்தாலும் கடைசியில் நியாயம்தான் ஜெயிக்கும் என்பதுபோல் பாடல் எழுதியிருப்பர். " ஒரு தலைவன் இருக்கிறான் மயங்காதே" என்ற வரிகள் வரும் காட்சியில் பின்னாலே கோபுரங்களை பார்த்து MGR கை காட்டுவது போல் அமைத்திருக்கும் ( அது கடவுளை மறைமுகமாக குறிப்பதாக காட்சியமைதிருப்பார் ) "பின்னாலே தெரிவது அரிச்சுவடு முன்னாலே இருப்பது அவன் வீடு" போன்ற வரிகள் இரண்டு அர்த்தங்களுடன் எழுதப்பட்டவை. இவ்வாறு MGR ன் பல இக்கட்டான சூழ்நிலைக்கு ஏற்றவாறு காலத்தால் அழியாத பல பாடல்களை தந்தவர் கண்ணதாசன்.அதனால்தான் அவரை MGR தமிழ்நாட்டின் அரசவை கவிஞராக்கி அழகுப்பார்த்தார்.

மீண்டும் ஒரு பதிவில் சந்திப்போம்.

மேலும் படிக்க »

ஒரு கோப்பையிலே என் குடியிருப்பு

இந்தப் தலைப்பை பார்த்தவுடன் நான் எதை பற்றி எழுதப் போகிறேன் என்று புரிந்திருக்கும். கண்ணதாசனின் வாழ்வில் மது எவ்வளவு பெரிய அங்கமாக இருந்தது என்பதே பற்றி பார்ப்போம். 1972 /73 ல் பிரபல நடிகரும் / தயாரிப்பாளருமான பாலாஜி அவர்கள் இந்தியில் வெளிவந்த துஷ்மன் படத்தை தமிழில் நீதி என்று ரீமேக் செய்தார்.அந்த படத்தில் ஒரு காட்சியில் ஹீரோ மதுபாட்டிலை கீழே போட்டு உடைத்து இனிமேல் குடிக்க மாட்டேன் என்று சத்தியம் செய்வது போன்ற ஒரு சூழ்நிலைக்கு பாடலை எழுதுமாறு கேட்டார்.

கவிஞரோ யோசித்துவிட்டு "நாளை முதல் குடிக்க மாட்டேன்" என்று தொடங்கும் பாடலை எழுதினார்.பாலாஜி பாடலை பார்த்து விட்டு ஹீரோ உடனே திருந்துவதாக இருக்க வேண்டும் நீங்கள் நாளை முதல் குடிக்க மாட்டேன் என்று எழுதியிருக்கீங்க என்றார்.அதற்கு கவிஞரோ நீயும் ஒரு குடிகாரன் நானும் ஒரு குடிகாரன். எந்த குடிகாரனவது இன்று முதல் குடிக்க மாட்டேன் என்று சொல்லுவானா? என்று கேட்டார் அதற்கு பாலாஜியும் ஒத்துக்கொண்டார். 

 இதோ அந்த பாடல் வரிகள்

நாளை முதல் குடிக்க மாட்டேன் சத்தியமடி தங்கம்
இன்னைக்கு ராத்திரிக்கு தூங்க வேண்டும் ஊத்திக்கிறேன் கொஞ்சம்

கடவுள் என் வாழ்வில் கடன்காரன்
கவலைகள் தீர்ந்தால் கடன்தீரும்
ஏழைகள் வாழ்வில் விளையாடும்
இறைவன் நீ கூட குடிகாரன்

போதை வந்தபோது புத்தியில்லையே
புத்தி வந்தபோது நண்பரில்லையே

இந்தப்பாடல் கடவுளை பற்றி சில தவறான வரிகள் இருப்பதால் அந்தக் காலத்தில் மலேசிய வானொலியில் தடை செய்யப்பட்டது.

        ஒரு சமயம் கண்ணதாசன்,விஸ்வநாதன் ராமமூர்த்தி மற்றும் பீம்சிங் ஆகியோர் பழனி படத்தின் பாடலை எழுதுவதற்காக ஸ்டுடியோவில் உட்கார்ந்திருந்தனர் அங்கே வேலை செய்யும் ஒரு பையன் ஒரு foregin whiskey பாட்டிலை எடுத்துக்கொண்டு சென்றான்.நம் கவிஞரோ அந்த பாட்டில் என்ன விலை என்றார்.1500 ரூபாய் என்றார் அவரிடம் வெறும் 500 ரூபாய்தான் இருந்தது உடனே அவருடைய அண்ணனுக்கு போன் செய்து எனக்கு 1000 ரூபாய் முன் பணமாக இந்த படத்திற்கு பாட்டு எழுத கேட்டார்.அந்தப் படத்தின் தயாரிப்பாளர் அவருடைய அண்ணன் AL ஸ்ரீனிவாசன். குடிப்பதற்கு பணம் தர மாட்டேன் என்று சொல்லி மறுத்து விட்டார்.

 கோபத்துடன் வந்து பாடல் எழுத அமர்ந்தார்.வழக்கம்போல் படத்தின் சூழ்நிலையும் அவரின் வாழ்க்கை சூழ்நிலையும் ஒன்றாக அமைந்தது. கோபத்தில் எழுதினாலும் அந்த பாடல் என்றும் நம் மனதில் மறவாமல் இருக்கிறது. 

படம் : பழனி (1965)

அண்ணன் என்னடா தம்பி என்னடா அவசரமான உலகத்திலே
ஆசை கொள்வதில் அர்த்தமென்னடா காசில்லாதவன் குடும்பத்திலே
தாயும் பிள்ளையும் ஆனபோதிலும் வாயும் வயிறும் வேறடா
சந்தை கூட்டத்தில் வந்த மந்தையில் சொந்தமென்பதேதடா 

மனிதசாதியில் துயரம் யாவுமே மனதினால் வந்த நோய்யடா
வாழும் நாளிலே கூட்டம்கூட்டமாய் வந்துசேர்கிறார் பாரடா
கை வறண்ட வீட்டிலை உடைந்த பானையை 
மதித்து வந்தவர் யாரடா மதித்து வந்தவர் யாரடா

பணத்தின் மீதுதான் பக்தி என்றபின் பந்த பாசமே ஏனடா
பகைக்கும் நெஞ்சிலை அணைக்கும் யாவரும் 
அண்ணன் தம்பிதானடா அண்ணன் தம்பிதானடா

இன்னொரு பதிவில் சந்திப்போம்.

மேலும் படிக்க »

காலந் தீண்ட கண்ணதாசன்

இந்த பதிவில் மீண்டும் ஒரு காலத்தால் அழியாத மக்கள் நெஞ்சில் நிலைத்து நின்ற பாடல்கள் உருவானதை பார்போம். கெளரவம் படத்தின் தயாரிப்பாளர் 1973ம் ஆண்டு படத்தின் பாடல்களை எழுதவதற்காக கண்ணதாசனுக்கு முன் பணம் கொடுத்து புக் செய்திருந்தார் ஆனால் கவினரோ தன் வேலைகளை எல்லாம் மறந்து மலேசியாவில் வாழ்க்கையை ரசித்து கொண்டு இருந்தார்.

இது போன்று தன் வேலையை மறந்து சரியான நேரத்தில் பாடல்களை தராமல் தாமதப்படுத்துவார் என்பது கண்ணதாசனின் மீதான பரவலான கருத்து. அந்த சமயத்தில் அவருடைய உதவியாளர் படத்தின் தயாரிப்பாளரை சந்தித்து அவர் எப்போதும் இப்படிதான் தாமத்தப் படுத்துவார் என்று கவிஞரின் குறைகளை கூறி தனக்கு அந்த வாய்ப்பை தருமாறு கேட்டார் ( அவர் இப்போது பெரிய தயாரிப்பாளர்) ஆனால் தயாரிப்பாளரோ கண்ணதாசனே பாடல்களை எழுதட்டும் என்று காத்திருந்தார். 

 கவிஞர் மலேசியாவிலிருந்து வந்தவுடன் இந்த செய்தியை கேள்விப்பட்டு மிகவும் மனவருத்தம் அடைந்தார். தான் தூக்கி வளர்த்து ஆளாக்கிய ஒருவர் தன்னை கவிழ்க்க பார்ப்பதை எண்ணி மனவேதனை அடைந்தார்.அடுத்த நாள் இயக்குனர் பாடலின் சூழ்நிலையை விளக்கினார். தான் எடுத்து வளர்த்த தன் வளர்ப்பு மகன் தன்னை எதிர்த்து நிற்கிறான் என்றார் இயக்குனர்.

வழக்கம்போல் தன் வாழ்கையின் வழியை அந்த படத்தின் பாடலில் எழுதியிருப்பார்.படத்தின் சூழ்நிலையை மறந்து இந்த சூழ்நிலையை மனதில் நினைத்தால் ஏதோ தனது உதவியாளர் செய்த துரோகத்திற்காக எழுதியது போலவே முழுப் பாடலும் இருக்கும். காலத்தால் அழியாத இந்த இரண்டு பாடல்களும் என்றும் மறக்க முடியாதவை.

 இதோ நான் ரசித்த வரிகள்

படம் : கெளரவம் 

நீயும் நானுமா கண்ணா நீயும் நானுமா

காலம் மாறினால் கெளரவம் மாறுமா

அறிவை கொடுத்ததோ துரோணரின் கெளரவம்

அவர்மேல் தொடுத்ததோ அர்சுனன் கெளரவம்

நடந்தது அந்தநாள் முடிந்ததா பாரதம் 

நாளைய பாரதம் யாரதன் காரணம்

வளர்த்த என் கண்ணனோ தந்தையின் நெஞ்சிலே

மாறும் அவதாரமே இதுதான் உலகிலே.

ஆனால் இவ்வளவு நடந்தாலும் எல்லாவற்றையும் மறந்து மன்னித்து அந்த உதவியாளரை மீண்டும் சேர்த்து கொண்டார்.

பாலுட்டி வளர்த்த கிளி பழங்கொடுத்து பார்த்தகிளி
நான் வளர்த்த பச்சைகிளி நாளை வரும் கச்சேரிக்கு
சட்டமும் நான் உரைத்தேன் தைரியமும் நான் கொடுத்தேன்
பட்டம் மட்டும் வாங்கி வந்து பாய்ந்து செல்ல பார்க்கிறது

செல்லமா எந்தன் செல்லமா

 நீதிக்கே துணிந்து நின்றேன் நினைத்ததெல்லாம் ஜெயித்து வந்தேன்
வேதனைக்கு ஒரு மகனை வீட்டிலே வளர்த்து வந்தேன்
ஆண்டவன் சோதனையோ யார்கொடுத்த போதனையோ
தீயிலே இறங்கிவிட்டான் திரும்பி வந்து கால் பணிவான்

கண்ணதாசன் எதையும் மனதில் வைத்து பழிவாங்க வேண்டும் என்று எவரையும் நினைத்ததில்லை. தான் நினைத்ததை பாட்டில் அழகாக வெளிபடுத்தும் அற்புத ஆற்றல் பெற்ற காலந் தீண்ட கவிஞர் நம் கண்ணதாசன்.

மேலும் படிக்க »

பாடல் பிறந்த கதை

இந்தப் பதிவில் கவிஞரின் வாழ்க்கையில் நடந்த இரண்டு சுகமான அனுபவங்களை பார்ப்போம். 1972 கவியரசர் தனது மகளின் திருமணத்திற்காக ஆயத்தமாகிக் கொண்டு இருந்த சமயம் இன்னும் திருமணத்திற்கு சில தினங்களே இருந்த நிலையில் தனக்கு பணம் தருவதாக சொன்ன நபர் பணம் தரவில்லை.தன் மகளின் திருமணம் என்னவாகும் என்று கண்கள் கலங்கி கடவுளை வேண்டினார்.

அந்த சமயம் தேவர் பிலிம்ஸின் தெய்வம் படத்துக்கு பாடல்களை எழுத அழைப்பு வந்தது.கவிஞர் தன் சொந்த பிரச்சனையை மறந்து பாடலை எழுத ஆரம்பித்தார்.கவிஞர் ஒரு கண்ணன் பக்தன் என்பது எல்லோருக்கும் தெரியும்.இந்தப்பாடல் முருகனைப்பற்றி எழுத வேண்டிய பாடல்.அவர் அந்த பாடலை தன் உதவியாளருக்கு சொல்லிக்கொண்டு இருந்தார் அவரும் அந்த வரிகளை பிரதி எடுத்துக்கொண்டு இருந்தார்.

அப்போது பக்கத்து அறையில் இருந்த தேவர் அந்த வரிகளை கவனித்தார்.கண்ணதாசனுடன் மிக நெருக்கமாக பழகியவருக்கு அவரின் மனநிலை அவர் பாடலில் வெளிபடுத்துவார் என்பது தெரியும்.

மருதமலை மாமணியே முருகய்யா
தேவரின் குலம்காக்கும் வேலய்யா

என்ற பாடலில் "தேவரின் குலம்காக்கும் வேலய்யா" என்ற வரியை மிகவும் மகிழ்ந்து ரசித்து பாராட்டிய தேவர் அவரின் வரிகள் ஏதோ குறிப்பால் உணர்த்துகின்றன என்பதை அறிந்து அவரின் நிலையை அறிந்து 1 லட்சம் ரூபாயும் தனது கல்யாண மண்டபத்தில் திருமணத்தை நடத்திக்கொள்ள அனுமதியும் கொடுத்தார். அவர் செட்டியார் குலத்தை சேர்த்தவர்.செட்டியார் குலத்தில் முருகனை குலதெய்வமாக வழிபடுவார்கள்.தான் என்னதான் கண்ணனின் பக்தனாக இருந்தாலும் அவருடைய குலதெய்வமான முருகன்தான் இந்த சூழ்நிலையில் காப்பாற்றினார் என்று உளமாற மகிழ்ந்தார்.

இன்னொரு சமயம் பீம்சிங் இயக்கத்தில் நம் கவிஞர் பாவா மன்னிப்பு படத்திற்காக பாடல் எழுத அமர்த்திருந்தார். அவருக்கு ஒரு தொலைபேசி அழைப்பு வந்தது.அவர் அந்த தொலைபேசி அழைப்பில் பேசி விட்டு அமர்ந்தார்.MSV அவர்கள் நம் கவிஞரின் முகத்தை பார்த்தவுடன் ஏதோ ஒன்று நடந்து இருக்கிறது என்பதை உணர்த்தார்.பாடலுக்கான சூழ்நிலையை இயக்குனர் சொல்லிக்கொண்டு இருந்தார். கவிஞரின் முகம் வாடி இருந்ததை உணர்ந்த MSV அவர்கர் என்ன கவிஞரே ஏதாவது பிரச்னையா என்று கேட்டார் அதற்கு நம் கவிஞர் சிரித்துக்கொண்டே ஒன்றும் இல்லை என்று பதில் அளித்தார். 

கதையையும் சூழ்நிலையும் கேட்டவுடன் பாடலை எழுதி முடித்து பணத்தை பெற்று கொண்டு அவசரமாக கிளம்பினர். MSV தன்னுடைய காரில் அவரை இறக்கிவிட்டு மறுபடியும் கேட்டார் என்ன ஏதாவது பிரச்சனையா என்று. அப்போது நடந்தவற்றையெல்லாம் MSV யிடம் சொன்னார் நம் கவிஞர்.அவருக்கு வந்த தொலைபேசி அழைப்பில் கடன் தொல்லையால் அவருடைய வீட்டை சப்தி செய்ய நோட்டீஸ் வந்திருப்பதாகவும் வீட்டு பொருட்களை எடுத்து கொண்டு போகுமாறு சொல்லிருகிறார்கள். இந்த சூழ்நிலையில் எப்படி ஒருவரால் சிந்திக்க முடியும் ஆனால் நம் கவினரோ வழக்கம் போல தன் நிலையை இந்த பாடலில் எழுதியிருப்பார்.

 படம் : பாவா மன்னிப்பு

சிலர் சிரிப்பார் சிலர் அழுவார்
நான் சிரித்துக்கொண்டே அழுகின்றேன்
சிலர் அழுவார் சிலர் சிரிப்பார்
நான் அழுதுகொண்டே சிரிக்கின்றேன்

காலம் ஒருநாள் மாறும்
நம் கவலைகள் யாவும் தீரும்
வருவதை எண்ணி சிரிக்கின்றேன்
வந்ததை எண்ணி அழுகின்றேன்

இந்த பாடல்வரிகளில் மிக சிறப்பானது "வந்ததை எண்ணி அழுகின்றேன்" என்பது அவருக்கு வந்த பிரச்னையும் "வருவதை எண்ணி சிரிக்கின்றேன்" என்பது இந்த பாடல் எழுதியதால் வரக்கூடிய பணத்தையும் நினைத்து எழுதிய வரிகள்.இந்த பாடலால் வந்த பணத்தை வைத்து அந்த வீட்டு பிரச்னையில் இருந்து வெளிவந்தார். இவ்வாறு ஒவ்வொரு பாடலிலும் தன் வாழ்க்கையை எழுதியவர் நம் கவிஞர். 

 மீண்டும் இன்னொரு பதிவில் சந்திப்போம்

மேலும் படிக்க »

கண்ணதாசனும் அரசியலும்

இந்த பதிவில் கண்ணதாசன் அரசியல் அனுபவங்கள் அதை அவர் பாடலில் வெளிபடுத்தும் விதம் ஆகியவற்றை காண்போம். ஒரு சமயம் தேர்தலில் தோல்வியுற்றபோது தனது சோகத்தை ஒரு பாடலில் வெளிபடுத்தியிருப்பார்.

பலே பாண்டியா படத்தில் அந்த பாடல் வரும்

யாரை எங்கே வைப்பது என்று பேதம் பிரியலே
அண்டகாக்கைக்கும் குயில்களுக்கும் பேதம்பிரியலே
பேரெடுத்து உண்மையை சொல்லி பிழைக்கமுடியலே
இப்ப பீடிகளுக்கும் ஊதுபத்திக்கும் பேதம்புரியலே

நானிருக்கும் இடத்தினிலே அவன் இருக்கின்றான்
அவனிருக்கும் இடத்தினிலே நானிருக்கின்றேன் -நாளை
எங்கை யாரிருப்பார் அதுவும் தெரியலே
நல்லவனுக்கும் கெட்டவனுக்கும் பேதம் பிரியலே

தான் அரசியலில் தோல்வியுற்ற போது அதை தாங்கி கொள்ள முடியாமல் தன் ஆதங்கத்தை இந்த பாடலில் எழுதியிருப்பார்.தன் கோபத்தை இப்படி நாகரீகமாக வெளிக்காட்டுவது அவருடைய பண்பு.அவர் இறந்து 32 ஆண்டுகளுக்கு பிறகும் அவரின் பாடலின் வரிகளை இன்று பேசுகின்றோம் என்றால் அந்த அளவுக்கு காலத்தை வென்ற கவிஞர் அவர்.

இதே போல் 1962 ஆண்டு தற்காலிகமாக அரசியலை விட்டு விலகியிருக்கலாம் என்று கவிஞர் முடிவு செய்தார்.அப்போது தனக்கு ஏற்பட்ட அவமரியாதையும் தோல்வியையும் ஆலய மணி என்ற படத்தில் வரும் சட்டி சுட்டதடா பாடலில் எழுதியிருப்பர்.

 அந்த பாடலில் நான் ரசித்த வரிகள்

சட்டி சுட்டதடா கை விட்டதடா
 புத்தி கெட்டதடா நெஞ்சை தொட்டதடா
 நாலு நடந்து முடிந்த பின்னால்
 நல்லது கெட்டது தெரிஞ்சதடா

 ஆரவார பேய்களெல்லாம் ஓடிவிட்டதடா
 ஆலய மணியோசை கூடிவிட்டதடா

இவ்வாறு தனக்கு ஏற்படும் அனுபவங்களை ஏதோ ஒரு டைரியில் எழுதி வைக்காமல் மக்கள் ரசிக்க திரை இசையில் எளிய தமிழில் எழுதுவது என்பது அவருடைய பாணி.இதனால் இந்த பாடல்கள் என்றும் உயிர் பெற்று நிற்கின்றன. சூழ்நிலையை உள்வாங்கி எழுதுவதை விட தனது அனுபவங்களை அந்த சூழ்நிலைக்கு ஏற்றவாறு எழுதுவது அவருடைய சிறப்பு.

 மீண்டும் இன்னொரு பதிவில் வேறு சில பாடல்களுடன் சந்திப்போம்.

மேலும் படிக்க »

அண்ணாவின் நட்பு

கண்ணதாசனின் அரசியல் பிரவேசத்தில் அண்ணா ஒரு முக்கியமான நபர். அண்ணாவுடன் எவ்வளவு நெருக்கமாக இருந்தாரோ அவ்வளவு சண்டையும் போட்டுள்ளார்.திராவிட முன்னேற்ற கழகம் என்பது அண்ணாவிற்கு தாய் வீடு போன்றதாகும்.பலமுறை சண்டைபோட்டு பிரிந்துள்ளார்.1962 அண்ணாவிடம் சண்டையிட்டு கட்சியை விட்டு வெளிவந்த சமயம் "படித்தால் மட்டும் போதுமா" படத்தில் ஒரு பாடலில் அண்ணாவுடன் கொண்ட பிரிவையும் ஏமாற்றத்தையும் வெளிபடுத்துவார்.

அண்ணன் காட்டிய வழியம்மா - இது
அன்பால் விளைந்த பழியம்மா
கண்ணை இமையை கெடுத்ததம்மா
என் கையே என்னை அடித்ததம்மா

தொட்டால் சுடுவது நெருப்பாகும்
தொடாமல் சுடுவது சிரிப்பாகும்
தெரிந்து கெடுப்பது பகையாகும்
தெரியாமல் கெடுப்பது உறவாகும்

கொடுத்துதருள்வாய் என வேண்டிநின்றேன்
கும்பிட்ட கைகளை முறித்தெடுத்தாய்
அடைக்கலாமென்றே நினைத்திருந்தேன்
அனைத்தவனே நெஞ்சை எரித்துவிட்டான்

இந்தப் பாடலில் அண்ணா தனக்கு துரோகம் செய்து விட்டதுபோல் எழுதியிருப்பர். ஆனால் இந்தப் பாடல் பாடலின் சூழ்நிலைக்கு மிகப் பொருத்தமாக இருக்கும். அதே ஆண்டு (1962) வெளிவந்த இன்னொரு திரைப்படம் "நெஞ்சில் ஓர் ஆலயம்" அதில் ஒரு பாடலில் அண்ணா எங்கிருந்தாலும் வாழ வேண்டும் என்று எழுதியிருப்பார்.

எங்கிருந்தாலும் வாழ்க உன் இதயம்
 அமைதியில் வாழ்க

இன்னொரு சமயம் அண்ணா உடல்நிலை சரியில்லாமல் மருத்துவ மனையில் அனுமதிக்க பட்டிருந்த சமயம் "தில்லானா மோகனாம்பாள்" படத்தில் சிவாஜியின் உடல் நலத்தை பத்மினி விசாரிப்பது போன்ற பாடல்.அண்ணாவை மனதில் வைத்து அவரின் உடல் நலத்தே விசாரிப்பது போன்று எழுதப்பட்ட பாடல் இந்தப்பாடல்

நலந்தானா நலந்தானா

உடலும் உள்ளமும் நலந்தானா..

நலம் பெற வேண்டும் நீ என்றே

நாளும் ஏன் நெஞ்சில் நினைவுன்டு

இலை மறை காய்போல் பொருள்கொண்டு

எவரும் அறியாமல் சொல்கின்றேன்

கண் பட்டதோ உன் மேனியிலே

புண் பட்டத்தோ நானறியேன் 

புண்பட்ட சேதியை கேட்டவுடன் - இந்த

பெண்பட்ட பாட்டை யார் அறிவார்.

இவ்வாறு அண்ணாவின் உடல்நிலையை பற்றி உருக்கமாக விசாரிப்பர்.

மீண்டும் இன்னொரு பதிவில் அண்ணாவுடன் கொண்ட நட்பை காணலாம்.

மேலும் படிக்க »

கண்ணதாசனும் காமராஜரும் - பாகம் 2

சென்ற பதிவில் காமராஜருடன் கொண்ட நட்பையும் அவருக்காக அவர் எழுதிய பாடலையும் பார்த்தோம்.காமராஜர் மீண்டும் ஆட்சியை பிடிக்க வேண்டும் என்பதே கண்ணதாசன் விரும்பினார்.

பட்டிக்காட பட்டணமா  என்ற படத்தில் ஒரு பக்தி பாடல்

அம்பிகையே ஈஸ்வரியே எனை
ஆழவந்த கோவில் கொண்ட முத்துமாரி என்ற பாடலில்
காமராஜர் ஆட்சியை பிடிக்க வேண்டும் என்ற தனது விருப்பத்தை அழகாக பக்திப் பாடலில் வெளிபடுத்தியிருப்பார். 

 படம் : பட்டிக்காட பட்டணமா 
 சூழ்நிலை : பக்திப் பாடல்

அம்பிகையே ஈஸ்வரியே எனை
 ஆழவந்த கோவில் கொண்ட முத்துமாரி
 சிவகாமியின் உமையவளே முத்துமாரி
 உன் செல்வனுக்கும் காலமுண்டு முத்துமாரி

 மகராஜன் வாழ்கவென்று வாழ்த்துகூறி
 இந்த மக்களெல்லாம் போற்ற வேண்டும் கோட்டையேறி
 ஏழைகளை எச்சதில்லை முத்துமாரி
 நாங்க ஏமாத்தி பொழச்சதில்லை முத்துமாரி

 வாயை வைத்து வாழுகிறோம் முத்துமாரி
 இனி வருங்காலம் எங்களுக்கு முத்துமாரி.

இந்த பாடலில் சிவகாமியின் உமையவளே என்பது காமராஜரின் தாயை குறிக்கின்றது.இதில் கோட்டை என்ற சொல் ஆட்சியை பிடிக்க வேண்டும் என்ற தன் விருப்பத்தை சொல்வதாகும்.


படிக்காத மேதை படத்தில் இன்னொரு பாடலில் படிக்கவில்லை என்றாலும் ஒருவரால் சிறந்து விளங்க முடியும் என்பது போல் வரும் அந்த பாடல் காமராஜரை நினைத்து எழுதிய பாடலாகும்.

படிப்பினால் அறிவுபெற்றோர் ஆயிரமுண்டு
பாடம் படிக்காத மேதைகளும் பாரினிலுன்டு
கொடுப்பதற்கும் பிரிபதற்கும் படிப்புவேண்டுமா - என்றும்
குழந்தைபோல் வாழ்ந்துவிட்டல் துன்பம்தோன்றுமா

இவ்வாறு காமராஜரிடம் நட்பு கொண்ட கண்ணதாசன் அவர் இறப்புக்கு பின் மனதால் வருந்தி எழுதிய கவிதை

சொத்து சுகம் நாடார் ,
சொந்தந்தனை நாடார்
பொன்னென்றும் நாடார்,
பொருள் நாடார்
தான்பிறந்த அன்னையும் நாடார்,
ஆசைதனை நாடார்,
நாடென்றே நாடித் - தன்
நலமொன்றும் நாடாத
நாடாரை நாடென்றார்.

இவ்வாறு காமராஜரிடம் கொண்ட நட்பை தன் பாடலில் வெளிபடுத்தியவர் கண்ணதாசன்.

மீண்டும் இன்னொரு பதிவில் சந்திப்போம்.

மேலும் படிக்க »

கண்ணதாசனும் காமராசரும் பாகம் - 1

இந்த பதிவில் கண்ணதாசனின் அரசியல் பிரவேசத்தை பற்றிக் காணலாம். அவர் எவ்வளவோ கட்சியில் இருந்துள்ளார்.அரசியில் பிரவேசம் அவருக்கு அவ்வளவாக திருப்தி அளிக்கவில்லை. அவர் இல்லாத கட்சிகளை இல்லை எனலாம்.நம் கவிஞர் தன் சொந்த வாழ்க்கையில் நடந்த அனுபவங்களை பாடலில் எழுதுவதில் வித்தகர்.

அந்த பாடலின் சூழ்நிலையை மறந்து இவர் வாழ்க்கை சம்பவத்தை மட்டும் நினைத்து அந்த பாடலை பார்த்தல் அந்த பாடல் மிகவும் சுவாரஸ்யமாக புதிய வடிவில் தெரியும். கவிஞர் காங்கிரஸ் கட்சியிலிருந்து வெளி வந்த சமயம் அவருக்கு "பட்டினத்தில் பூதம்" படத்தில் ஒரு பாடல் எழுத நேர்ந்தது.ஒரு காதலி காதலனை பார்த்து பாடுவதாக அமைந்த அந்த பாடல்.ஒரு காதல் பாடல்தான் ஆனால் அவர் தன்னுடைய சொந்த வாழ்க்கையின் கருத்துக்களை அதில் படைக்கின்றார். 

அவர் காங்கிரசிலிருந்து வெளியேறினாலும் காமராஜர் மீதும் அவருடைய ஆளுமை மீதும் தீராத மரியாதையை உடையவர். அதை அந்த பாடலில் வெளிபடுத்துவார்.காமராஜரின் தாயார் பெயர் சிவகாமி. காமராஜருக்கு சொல்ல வேண்டிய செய்தியை அந்தப் பாடலில் குறிப்பால் உணத்துவார். அந்தப் பாடலில் நான் ரசித்த வரிகள் 

படம் : பட்டினத்தில் பூதம்
சூழ்நிலை : டூயட் பாடல்

அந்த சிவகாமி மகனிடம் சேதிசொல்லடி
என்னை சேரும் நாள் பார்க்க சொல்லடி
வேறு எவரோடு நான்பேச வார்த்தையேதடி
வேலன் இல்லாமல் தோகையேதடி ...

நிலையில் மாறினால் நினைவும் மாருமோ 
நெஞ்சங்கள் நெருங்கினால் பேதங்கள் தோன்றுமோ 
மாறாது மாறாது இறைவன் ஆணை...

இந்த பாடல் முருகனை புகழ்ந்து எழுதுவது போன்று அமைய வேண்டிய பாடல்.ஆனால் அவர் தன்னுடைய நிலையையும் அழகாக விளக்கியிருப்பார்.

இதே போல் இன்னொரு சமயம் காமராஜர் ஒரு கருத்தரங்குகாக "United Nations" இருந்து அழைக்கப்பட்டிருந்தார்.காமராஜர் படிப்பறிவில்லாதவர் அதனால் எப்படி அங்கு செல்ல முடியும் என பலர் நினைத்தனர் ஆனால் அவருடைய தாழ்வு மனப்பான்மையை போக்கி அவருக்கு ஊக்கம் அளிப்பது போன்ற பாடலை "மாகாகவி காளிதாஸ்" படத்திற்காக எழுதியிருப்பார்.

இந்தப் பாடல் படத்தின் சூழ்நிலைக்கும் பொருந்தும் அதை போல் காமராஜரின் வாழ்க்கைக்கும் பொருந்துவதாக அமைந்த அந்த பாடலில்

 நான் ரசித்த வரிகள்

சென்று வா மகனே ! சென்றுவா ! - அறிவை
வென்று வா மகனே ! வென்று வா !
அறிவுலகம் உன்னை அழைக்கின்றது - ஏதும்
அறியாதவன் என்றே நினைக்கின்றது

அரண்மனை வாசல் திறக்கின்றது - அங்கே
ஆணவம் புன்னகை புரிகின்றது
உண்மையை சொல்வதற்கு படிப்பெதற்கு ? - எல்லாம்
உணர்ந்தவர் போல் நடிக்கும் நடிப்பெதற்கு ?!

கண் கண்ட காட்சி கட்கு விளக்கெதற்கு ? நெஞ்சில்
கள்ளமில்லாதவர்க்கு பயமெதற்கு ? !

காமராஜருக்கு சொல்ல நினைத்ததை அழகாக இந்த பாடலில் எழுதியிருப்பார்.

அடுத்த பதிவில் வேறு சில பாடல்கள் உருவான விதத்தை விளக்குகின்றேன். மீண்டும் சந்திப்போம்.

மேலும் படிக்க »

கோவையை பற்றி கண்ணதாசன்

கண்ணதாசன் எல்லாவற்றையும் அனுபவித்து எழுதும் அற்புத கவிஞர். அவர் கோயம்புத்தூர் மக்களின் பண்பு,பேச்சுவழக்கு ,விருந்தோம்பலை பற்றி ஒரு கவிதையில் எழுதியுள்ளார்.
கோவை மக்கள் எப்போதும் மரியாதையுடன் பேசுவார்கள்.அவர்களின் பேச்சு வழக்கில் மரியாதை மிக அதிகமா இருக்கும்.உதாரணமாக வாங்க,போங்க,உட்காருங்க,சாப்பிடுங்க,தூங்குங்கா,வேணுங்க,ஆமாமுங்க என்பவை.உணவு உபசரிப்பிற்கும் மிகவும் பெயர் பெற்ற ஊர் கோயம்புத்தூர்.

 நான் ரசித்த அந்த கவிதை

சூழ்கின்ற பண்பெல்லாம் கோவையில்தான்
சுவையெல்லாம் பனிவெல்லம் கோவையில்தான்
ஏனுங்க என்னவுங்க ஆமாவுங்க
மானுங்க இருக்குங்க வேணுங்களா

புடுச்சுங்க மலப்பழமும் இருக்குங்க
எடுத்துக்குங்க தேனுங்க கையெடுங்க
சாப்பிடுங்க திருப்பூர் நெய்யுங்க சுத்தமுங்க
ஏனுங்க எழுந்தீங்க உட்காருங்க

ஏபய்யா பாயசம் எடுத்துப்போடு 
அப்பப்பா கோவைக்கு விருந்துவந்தால்
ஆறுநாள் பசியும் வேண்டும்
வயிறும் வேண்டும் தப்பப்பா

கோவைக்கு வரக்கூடாதே
சாப்பாட்டாலே சாகடிப்பார்.

இந்த கவிதையில் கோவை தமிழை அழகாக எழுதியிருப்பார்.

மீண்டும் இன்னொரு பதிவில் சந்திப்போம்.

மேலும் படிக்க »

கண்ணதாசனின் அனுபவங்கள்

இந்த பதிவில் எனக்கு பிடித்த கண்ணதாசனின் கவிதையை காண்போம். எல்லா கவிஞர்களும் சூழ்நிலையை உள்வாங்கி உணர்ந்து மக்களுக்கு பாடலாக படைக்கிறார்கள் ஆனால் நம் கவிஞரோ அதை அனுபவித்து மக்கள் தமிழில் எழுதியவர். இன்னும் பல ஆண்டு கழித்து இந்த கவிதையை படித்தாலும் புதியதாய் படிப்பது போல் தோன்றும்.

இதோ இந்த கவிதை

பிறப்பின்  வருவது யாதெனக் கேட்டேன் 

பிறந்து  பாரென இறைவன் பணித்தான் !

படிப்பெனச் சொல்வது  யாதெனக் கேட்டேன்

படித்துப் பாரென இறைவன் பணித்தான் !

அறிவெனச் சொல்வது  யாதெனக் கேட்டேன்

அறிந்து பாரென இறைவன் பணித்தான் !

அன்பெனப் படுவது என்னெனக்   கேட்டேன்

அளித்துப் பாரென இறைவன் பணித்தான் !

பாசம் என்பது யாதெனக் கேட்டேன்

பகிர்ந்து பாரென இறைவன் பணித்தான் !

மனையாள் சுகமெனில் யாதெனக்  கேட்டேன்!

மணந்து பாரென  இறைவன் பணித்தான் !

பிள்ளை என்பது யாதெனக்  கேட்டேன்!

பெற்றுப் பாரென  இறைவன் பணித்தான் !

முதுமை என்பது யாதெனக் கேட்டேன்

முதிர்ந்து பாரென  இறைவன் பணிந்தான் !

வறுமை என்பது என்னெனக் கேட்டேன்

வாடிப் பாரென  இறைவன் பணித்தான் !

 

இறப்பின்  பின்னது யாதெனக் கேட்டேன்

இறந்து பாரென  இறைவன் பணித்தான் !

அனுபவித்தேதான் அறிவது வாழ்வெனில்

ஆண்டவன் நீயேன் எனக் கேட்டேன்!

ஆண்டவன் சற்றே அருகில் நெருங்கி 

அனுபவம் என்பதே நான்தான் என்றான்!

மீண்டும் இன்னொரு பதிவில் காண்போம்.

மேலும் படிக்க »

திரையிசையில் முதியோர் காதல்

காதல் ஒரு மந்திரச்சொல்.இயற்கையின் உபாதை.சொர்கத்தின் திறவுகோல். ஆர்மோன்களின் பனிப்போர்..மலிவாய் கிடைக்கும் போதை.நம் யுவன் யுவதிகளுக்கு எப்படி வேண்டுமானாலும் தோன்றலாம் ஆனால் 30 ஆண்டுக்கலாம் வாழ்ந்த தம்பதிகளுக்கு இது ஒரு தவம்.
தள்ளாத வயதில் கட்டிலோடு கட்டிலாக நோயோடு உறவாடும் முதியவரின் காதலில் நான் ரசித்த வரிகள் ....

.
கண்ணதாசன் : கண்ணதாசன் மனைவிக்கு காது கேட்காது. மனைவியை பற்றி அவர் எழுதிய வரிகள்...

செவிகள் பழுதனாலும் தன் சேவை திறத்தல்
என் கவிகள் பழுதாகாமல் காத்து வந்த ராசாத்தி...

அவர் ஆடாத ஆட்டம் இல்லை.அவர் ஊரெல்லாம் சுற்றி மது மற்றும் மாதுவில் சரணடைத்து கடைசியில் நோயுற்று எழுதிய வரிகள்.

கட்டிலும் மெத்தையிலும் காலமறியாதிருந்து
கற்பனைகள் கொண்டதொரு காலம்
இன்று நோய்வழியில் வந்ததடி ஞானம்...

முத்தமென்றும் மோகமென்றும் சத்தமென்றும்
சத்தமிட்டு சத்தமிட்டு புத்திகெட்டு போனது -ஒருகாலம்
இன்று ரத்தமற்று போனபின்பு ஞானம்...

பொன்னிநதி அவ்வளவும் போனரத்தம் போனபின்பு
கன்னியரை யேசுதடி நெஞ்சம் இது
காலிடறி யானை விழும் பள்ளம் ....

வாழ்க்கையில் ஓயாது வேலை செய்து கடைசியில் எல்லா உறவையும் இழந்து தள்ளாத வயதில் தன் மனைவியுடன் பாடுவது போல் அமைந்த வரிகள் ... மனைவியின் அருமையை உணரும் வரிகள். "வியட்நாம் வீடு" படத்தில் வரும் வரிகள்...

கால சுமைதாங்கி போலே மார்பில் எனைதாங்கி
வீழும் கண்ணீர் துடைத்தாய் அதில்
ஏன் விம்மல் தணியுமடி

 ஆழம் விழுதுகள்போல் உறவு ஆயிரம்
 இருந்தும் என்ன வேறென நீயிருந்தாய்
 அதில் வீழ்ந்து விடாதிருந்தேன்

தன் மனைவி இறப்புக்கு பின் கணவனின் நிலையை விளக்கும் வரிகள்...

தந்தை வாழ்வு முடிந்துபோனால்
தாயின் மஞ்சள் நிலைபதில்லை

தாயின் வாழ்க்கை முடிந்துபோனால்
தந்தைக்குகென்று வாழ்க்கை ஒன்றுமில்லை ..

வைரமுத்து - தன் வெற்றிக்கு மனைவிதான் காரணம் என்பதை திருக்குறள்போல் வைரமுத்து எழுதிய வரிகள்

காரியம் யாவும் என்கண்மணி பார்ப்பதால்
சூரிய கவிஞராய் சுற்றி வருகிறேன் ..

மீண்டும் ஒரு புதிய பதிவில் சந்திப்போம்.

மேலும் படிக்க »

கண்ணதாசன் - சுயவிமர்சனம்

 ஒருவர் தன்னை தானே சுயவிமர்சனம்  செய்வது அவ்வளவு எளியது அன்று. கண்ணதாசன் தன்னுடைய மனதில் உள்ளவற்றை அப்படியே வெளிபடுத்துவார்.அவர் யோசித்து எளிதிய பாடல்களைவிட அனுபவித்து எழுதியவை மிக அதிகம்.அவர் தன்னை தானே சுயவிமர்சனம் செய்தவற்றில்  
 நான் ரசித்த வரிகள்.

நானிடறி விழுந்தயிடம் நாலாயிரம் அதிலும்
நான் போட்ட முட்கள் பதியும்
நடைபாதை வணிகன்னென்று நான்
கூவி விற்ற பொருள்
நல்ல பொருளில்லை அதிகம்
நல்ல பொருளில்லை அதிகம்..."
 

கண்ணதாசன் ஒரு மிகப்பெரிய சாம்ராஜ்யம். அவர் ஒரு சகாப்தம்.அவர் ஒரு தமிழ் அகராதி. அவர் நம் வாழ்க்கையின் அனுபவம்.

ஒரு கையில் மதுவும் ஒரு கையில் மாதுவும்
சேர்ந்திருக்கின்ற வேளையிலே என்
ஜீவன் பிறிய வேண்டும் - இல்லையென்றால்
என்ன வாழ்கை நீ வாழ்ந்தாயென்றே
எனை படைத்த இறைவன் கேட்பான் ...

மேலே உள்ள வரிகளை எழுதியது ஏதோ சாதரண கவிஞன் அல்ல. வெறும் பத்து பாடல்களை எழுதி மறைந்த ஒரு பாமர கவிஞன் அல்ல. 5000 பாடல்களையும் 6000 கவிதைகளையும் படைத்த ஒரு அசுரன். அவர் எழுதிய புத்தகங்களின் எண்ணிக்கை 232.

அவரின் சுயசரிதை புத்தகங்கள்

• எனது வசந்த காலங்கள்
• எனது சுயசரிதம்
• வனவாசம்
• மனவாசம்

ஒரு கோப்பையில் என் குடியிருப்பு
ஒரு கோலமயில் என் துணையிருப்பு
இசை பாடலிலே என் உயிர்துடிப்பு ...

காவியத்தாயின் இளைய மகன்
காதல் பெண்களின் பெருன் தலைவன்
பாமர ஜாதியில் தனி மனிதன் - நான்
படைப்பதனால் என் பேர் இறைவன் ...

நான் மானிட ஜாதியில் ஆட்டி வைப்பேன் - அவர்
மாண்டு விட்டால் அதை பாடி வைப்பேன்
நான் நிரந்தரம் ஆனவன் அழிவதில்லை
எந்த நிலையிலும் எனக்கு மரணம் இல்லை...

அவருடைய "சேரமான் காதலி" சாகித்திய ஆகாடமி விருது பெற்றது.முதல் முதலில் பாடலுக்காக தேசிய விருது பெற்ற உன்னத கவிஞன்(1968). தமிழ் நாட்டின் முதல் அரசவை கவிஞன். அவருடைய அர்த்தமுள்ள இந்து மதம் உலகப்  புகழ் பெற்றவை.

மேலும் படிக்க »